ما قيل في بني خالد ~ مدونة الخوالـــــــد

ما قيل في بني خالد


ما قيل في بني خالد


الشاعر: فراج بن دلهام العجمي:
     بكيت رجــال واجــواد شيوخ   مع اسلاف يقدون الجهــــام

     مناعيــر واعيــان عـــدام   بروس رماحهم ريش النعــام

     يغـــزون الضــد بكــل دار   ويسقونه امرار الشري حامي

     وراية ما حضرها كل واشـــى   ولايدخل بها ولد الحـــرام
     عزيزين النفوس بكل شيمـــة   إلى قالوا وفيين الذمــام
     ذرا الجيران عوق للحريـــب   هل العليا رفيعين المقـام
     وسيعين الهوايا بالمعــادي   كبيرين الصحون اهل المقام
     وراحوا واقفت الدنيا عليهم   ورسم اذكارهم مثل الحــلام
     ووين اللي بهم صـــدر وورد   هل العليا رفيعين المقـام
     خلوهم باللحود المظلمـــات   ولا عنهـم يــردون العــلام
     ما غير الطيب والفعل منهـم   وممشى الـجود مايمحا دوام

شيخ عنزه: بن هذال وقصيده يرثي فيها حكم بني خالد:
     اهل المواقف والفعول الكليفــه     خوالد(ن) للمرجلة ستر وحجاب
     اهل الكرم واهل الفعول الطريفة   ترفع لهم بيضا على راس مرقـاب

الشاعر / حمد بن قريان العجمي:
      يامـوده(ن) بالليـل تـراك غلطـان    ذولا بنـي خالـد ذرى كـل جــــلاي
      تلقـى منازلهـم ورى حـزم ببـــان    وديارهـم ماياهلـه كـل غــــزاي
      ماقبل به الصمان والهيـت والعـان    وماقفى به العارض على رجوم بداي
      وماقبل به الخفجي على حدود ظهران    حامينها بالسيف مـن كـل عـــداي

الشاعر /عبد الكريم بن حنيف الحربي:
      خوالـد(ن) لاثـور الطـــوب سـنـدوا    لا لـوحـن منقـضـات الـجـدايــــل
      يردون حوض الموت من دون دارهــــم    حريبهـم تكسيـه ثــوب المـلايـــل
      سلامي على اهل الطيب والمجد والصخا    نشهـد وتشهـد بـه جميـع القبايـل
      مايحتمـل للشيـل ياكـود عيـد هــي    ولاينطـح القـالات كـود الصمـايــل
      ومايبري المعلول شربـه مـن الـدوى    ياكود قرطوع (ن) من الريـق سايـل

وصف الشاعر / محمد سعد البوعينين شجاعة بني خالد في هذه الابيات
      من قمة(ن) عليا لها الطيب محفل     طيب(ن) توارث جيل يارث لجيله
      ذولا بني خالد أسـاسـه مــأصّــل     معروفة(ن) بين القبايل أصيله
      يوم الرجل لاحده الغبــن يفعــل     مايدمحون لــضدهـم كــل عيله

الشاعر: عبد الهادي مريزيق النصيري
      صار الشديد وشدوا البـدوا عجلين     والكل قـرب ناقتـه وارتحلهـــا
      قالوا خوالــد قلـت والله ونعميــن     حي الرجال اللي جميل (ن) فعلها
      خيالة (ن) يوم اللقا تروي العين     عدوانهم ذيب الصحـاري أكلهـــا
      اهل البيوت المشرعة والــدواوين     ومجالس (ن) من زارها مايملهــا
      ونجرن يدن ما بين لدلال كـل حيــن     والدله الصفـرا تزيـد شعلهـــا
      والدله اللي شوفها يروي العيــن     صبابها عـن هيلهـا ماعزلهــــا
      للضيف ماتذبح شيـاة هزيــــليـن     دايم تعشي ضيوفها من جزلهــــا
      ومرباعهم لاربعوا والحيـــا زيـن     في وسط سوده والمقيــض بنخلهـا

الشاعر: خليفة الخميس
      سجلي ياصفحة التاريـخ وحـروف الكتـــابـه     عن بني خالدهل المعروف وأهـل المقدريـــه
      هم وسيعين الصدور اللي لهم عـز ومهــابـه     وهم هل العليا وفعل الطيب ورجـال الحميـه
      لازبنـت الخالـدي تلقـى تراحيـب ولبابـــه     وان ندبته تبشـر بفزعـات ورجــــالٍ وفيـه
 وفي الكرم والجود ماصك دون الضيف بــابـه     مجدهم مبني على ساسـات وعــــزوم قويـــه
     وفي القسا وأيامه السود جاء فيهـم صلابــه     مايهابـون المخاطـر ولا خـوف المنـيـــــه
 وفي الشهامه جاء لهم فعل مثل غيث السحابه     يسعدون اللـي شكـا ذل وبهاذيـل وخطيــــه
   والشجاعه نابته في الخالدي بـأول شبابــه    (ماكسبها).. فطرةٍ لـه حطهـا رب البريـــه
   يشهد التاريخ مع (هباس) في ايـام الحرابه     و(هبس) يشهد بالمكارم والفعـول الخالديـه

الشاعر: عبد الله بن سعد الحضبي السبيعي
      والله ماهقيت ارجــع اللابتــــي    اهل الديـــار اللي تدارج نهورهـا
      خوالد(ن) يفرح بهم هاشل الخلا    وقبل العشا لزم(ن) يقلط هجورها

الشاعر: المرحوم سعد بن فهد الكحيلي المليحي
      تاريخها بكــل الجزيرة نعرفه    ولو نكتبه ناخذ عليه اوسام
      خوالـــد يانعــم ذيك العـــزوه    حريبهـــم يسهــر ولاينــلام
      حريبهم تــعاف عينه الكـــرى    يرجع ولو خشمه يفوح اعـرام
      أولاد خــالد وخالـــد مجــرب    سيف الله المسلول في الاســـلام
      ابن الوليد اللي تجينا علومه    حطم بسيفه زمــرة الاصنــام
      لكنهم النور فــي ليلة الدجى    النور نور والظــلام ظـــلام

الشاعر: فهد بن بخيت الحربي
       لاضاق بالي واختفــــى كل هابــي       شرقت يم بيوت ربع على السيــــف
       لاني بحاتي مصرفــي والزهــابــي       عند الخوالد طاب كيفي وانا مريف
      يشهد لهم جوباح(1) بعصر الركابي       وعلى الطوى ناموا وخلوه للضيــف
       لـو انـت مر علقــم مــايذابــي       تلقى بهم عز مع النــاس ماشيــف
       وان صكتك بقعــا على كــل بابـي       تلقى بيوت مشرعات على الكيــــف
       فيها الصخا والجـــود شيب وشابي       ومفطحات فــوق كبــر المناسيــف
       وعند اللقا رجالهـــم مايغابــي       كل يقول اليــوم يـومي عن الحيف
       وصغيرهم بالــمعركــه مايهابــي       الين خيل القوم تصبــح منـاكـيف
       لاثار عج الخيــل كنـــه سحـابـي       خوالد فوق المهـــار المشاحيــف
       كم شيخ قوم طاح حدر الركــابــي       تقاطعنه صاطيـــات الــخواطيــف

الشاعر / الحميدي الدويش المطيري
        كل الخوالد ساس طيب على طيب        قبيلتن فـي نجـد واكبـر قبيلـه 
       وشيوخهم تعرف بوقت المواجيب        لا جاء نهار فيـه شـب الفتيلـه 
       هم آل عريعر دون شـك ولاريــب         شيوخٍ لها التاريخ سجل حصيلـه 
       تركي على كبد المعادي لواهيـب       محمـةٍ للبيـض محـدن يشيـــلـه  
       هذا صحيح القول مافيه تكذيب        والكذب عيب ومرجعه للفشيله

وقال الشاعر / عبد الله بن عبد الرحمن العصيمي العتيبي في قصيدة فيها بعض من العادات والتقاليد والشيم العربية الاصيلة التي عرفت عن بني خالد من حماية للجار وكرم ونخوة وشجاعة
        في هددهم يشبع الطير ويشيب الرضيـــع    لعتـزوا بالخالديـة وجـاوا اخوانـهـا
        يوم وقت الشلف ومصارع الصفرا الصنيـع    كل منهـم سابقـة مهمـل (ن) اعنانهــا
        كن لميع اسيوفهم برق صيف (ن) له لميع    والمحبـب مزنـة(ن) ماهطـل ودانـهـــا


قصيدة فخر بإمجاد آل عريعر زعماء قبيلة بني خالد للشاعر/سطام بن عبدالله العريعر
يا موقدين النار فالبرد والصيف
النار شبوها وزيدو حطبها
صفو عليها دلال شرابة الكيف
يطرب لها يا سعود منهو شربها
وسوالفن ما هيب كذبن وتزييف
علوم الشيوخ اللي رفيعن حسبها
حكام هجر ونجد للشام وطريف
هم العريعر راس خالد نسبها
في نجد شاخو وافنو الترك بالسيف
واركو على العدوان حامي عطبها
حتى الحباري حيفو بيضها حيف
يا ويل من سيف العيرعر حربها
اهل الشجاعه والكرم والتواصيف
تشهد لهم كل العجم مع عربها
الى اعتلو قب المهار المزاغيف
مثل الصواعق يوم ترمي لهبها
كم هجمتن خلو بددها تناتيف
بسيوفن يشيل الجماجم غضبها
يقدولهم نمرن تدق المشاريف
اهل العزاوي ليتوالت اسربها
دقلات هبس اهل السيوف المراهيف
صفقاتهم تخلف سريعن ندبها
اجيوشهم دايم اغزاة مناكيف
ترهب اعداها لين تكسب طلبها
حماية ديار النخيل المهاديف
ومراتع اذوادن تباري جنبها
الصلب والصمان لصار به ريف
من قو هيبة هبس محدن قربها
تلقى لهم فيها نزول وطواريف
واللي سمحله شيخ هبس وحسبها
وهاك النفوذ اللي عروقه مراديف
يبون مشتاهم غطايس خببها
كبار البيوت البينات الغطاريف
وساع الرباع مرفعاتن قطبها
اهل السموت الطيبة والتصاريف
الطيبين اللي تهدي صعبها
شوكة بني خالد ذرا الجار والضيف
سيف الله المسلول خالد جذبها
وصلاة ربي عد نبت الشفاشيف
على شفيع الخلق حزة كربها


قصيدة للشاعر الحميدي الدويش في مدح بني خالد:
كل الخوالد ساس طيب على طيب
قبيلتن في نجد واكبر قبيله
وشيوخهم تعرف بوقت المواجيب
لا جاء نهار فيه شب الفتيله
هم العريعر دون شك ولا ريب
شيوخ لها التاريخ سجل حصيله
تركي على كبد المعادي لواهيب
محمة للبيض محدن يشيله
معجم قبائل العرب 575(قلب جزيرة العرب لفؤاد حمزة ص 147)وأيضا عائلة
أنساب الأسر الحاكمة في الأحساء لإبن عقيل
بنو خالد وعلاقتهم بنجد للوهبي
التعليقات والنوادر للهجريّ

ONLINE CASINO SOUTH AFRICA Online Casino Spinpalace casino Swiss kasino ONLINE CASINO IN SINGAPORE
 جريدة الوطن الكويتيه تاريخ النشر 01/10/2009

وصلات ذات علاقة بقبيلة بني خالد

 
واخيراُ آمل منكم قبول عذري مسبقاُ إذا وجدتم قصور وتوجهي وتزويدي بما ترونه مناسباُ، فليس كل مجتهداُ مصيب...



اسئل الله لنا ولكم التوفيق،،،

Email: aliim2222@gmail.com

1 التعليقات:

(( حرب شوكه ))
اوكما يسميها البعض
بـــ *ذبحــة المـــريشد*
لأن اكثر من ذبح فيها المــريشد , وهي كانت بين قبيلة بني خالد وقبيلة مطير وهي كانت قبل ( حرب مريخ ) المشهوره وهي لاتقل بطوليه عن حرب مريخ . امابعد :-

حيث كان المــريشد والــطريف والشاوي والعزام كانوا نازلين في منطقة شوكـه التي سميت بعد هذه الحرب بهذا الاسم وهي تقع شمـال منطقة الزور وكانوا باقي بني خالد جنوبا , ونزلوا مطير قرب شوكه لكي يغزوا بني خالد ويغتنموا منهم الحلال وبعض الغنائم إلى ان هذه العوائل من بني خالد ردوا المطران إلى ديارهم خائبين ومنهزمين ولم يغتنموا من حلال بني خالد اي شي لشدة فرسان الخوالد .

كانت هناك ناقة مكسوره
ل (زهيه المريشد) وقالوا لن نذهب ونترك ناقة قصيرتنا فجلسوا , وفي غير ميعاد جائوا المطران للحرب على بني خالد وتصدوا لهم هذه الفئه القليله من الخوالد لكثرة جيوش المطران ودارت المعركه من الصباح الباكر حتى وقت الظهر وابلوا الخوالد بلأحسنا في هذه الحرب حتى جاء المدد من بقية بني خالد جنوبا بعد الظهر اي بعد نهاية الحرب وفي هذه الحرب شاركوا حتى النساء لكي يتصدوا لـجيوش الاعداء الاكثر عددا وبلين بلأحسنا ومع أن هذه الحرب غير متكافئه من حيث العدد واعداد الجيوش إلا ان قبيلة مطير لم تتعرض اوتقترب من حلال الخوالد لشدة المعركه وقوة فرسانها وكان من فرسان القبيله (بحير المريشد) و (محمد بن فضل ال شاوي وكان عزوته خيل المعطا وانا اخو غنما) وكانو هم الفرسان البارزين في المعركه من بني خالد وقال شيخ الصهبه من مطير لــ من معه من جماعته مقوله مشهوره وهي

((هني من خذا غنما ))
الفريس الذين قتلوا في هذه الحرب هم :
من العزام / حمود ومحمد العزام . ومن الفضل من الشاوي / محمد الفضل وابوه فضل ابن شاوي ومن المريشد / بحير ومشعل وقحيصان .

اما من النساء :
رقيه السليم زوجة ابن هـــدهــــود , وخزنه العزام وقد شاركن في الحرب وذبحن رجال من مطير .

اما من تصوب في هذه الحرب :
علي الطريف , وعبدالله المريـــشد . وقد عالجهم (ابن سكران) حتى شفو بعد حوالي حول كامل من هذه الحرب .


ويقولون ان كان جماعه جالسين يذكرون او يتطارون الزين وكان بينهم ( عبدالله المريشد ) وطرى عليه اخوانه الذين قتلوا في الحرب فتهيض وهو يتوجد فيهم فقال :

يـاونـتـي قـلــت آه ثـــم آه ثـــم آه

من حر ماأونس بجلف الزوافيـر

ماهمني مـن يدهـك المسـك بلثـاه

لـوكــان زيـــن ونـافــل للـغـنـاديـر

علوش ويـن اهـل البيـوت المبنـاه

اللي كل يوم على دلالي مسايير

فرد عليه علوش الدعبق فقال : (لم يحضرني الابيتين)

اصبـر تـرى كـلـن عيـونـه امــداواه

احد علـى رجـل واحـد عـلـى غـيـر

وين ابن حميد وطرهم وابو هادي

حمايـة حتـى علـى بيـضـة الطـيـر



وقد قال الشاعر( مرشد العوران ) عن هذه الحرب :

الـبـارحـه والـعـيـن عــيــت عــــن الــنــوم

والـكـبــد كــنــه فــــوق جــمــر حـمــرهــا

يـاجـعـل شـوكــه للـمـحـل دايـــم الـــدوم

يـمـحـي تـرابــه مـــع ذوايـــب شـجـرهـا

يـاحـسـرتــي قـعــدبــه كـــــل شــغــمــوم

مــــن حـزنـهــم هــلــت عــيــون عـبــرهــا

جـتــهــم دولا‘ كــنـــه عــســكــر الــــــروم

حـمـت عـلــى الـجــردى تـعــود بـأثـرهـا

جانـا الفقـم والهـاب فـي رووسـهـم زوم

بــجــنــود غـــــــب صــيــاهـــد كـــدرهــــا

راحــــوا مـعـفـيـن وحــنـــا لــهـــم قـــــوم

لعـيـون مــن طــرا الغـطـاء فــي نحـرهـا

وأنــا أشـهـد أن ربـعـي تعـداهـم الـلــوم

ضـــرب الـهـنـادي لـيــن كـلــش شـذرهــا

طـيـر الـهـوى مــن بـيـن يـكـسـر الـحــوم

كم واحد منا ومنهم طاح في محتظرها

مــاطـــاح مــنــهــم شـــقـــي ومـــحـــروم

كــــــــل نــــفـــــس تــــواجـــــه عــمــلــهـــا

مـــاطـــاح مـــنـــا شــهــيـــد ومـــرحــــوم

وبـالـجـنـه الـخـضــرا يـبــنــي ثـمــرهــا

عــيـــب عــلـــى سـتـمــائــه ذاك الـــيـــوم

قــفــوا مــــن الـحـلــه تــطــارخ شـهـرهــا

عـدوهـم الـلــي بـاعــوا الـعـمـر بـاســوم

مـرويــن لــدنــا الـجـنــاء مــــن حـمـرهــا

ودمتم سالمين ..